ஜிப்மர் மருத்துவமனையில் கண்ணி வழியே முன்பதிவு

புதுச்சேரி ஜிப்மர் மருத்துவமனை 50 ஆண்டு கால பழமையானது. இந்த மருத்துவமனை புதுச்சேரியில் இருந்தாலும் தமிழகம் உள்ளிட்ட இந்தியா மமுழுவதிலிருந்து இங்கு தினமும் 8,000 முதல் 9,000 மக்கள் புற நோயாளிகளாக சிகிச்சை பெற வருகிறார்கள். அதுவும் புற நோயாளிகள் பிரிவில் அட்டை போட்டு மருத்துவரை பார்ப்பதற்குள் மணி 2 ஆகி விடும். இந்த சிரமங்களைக் கண்டறிந்த ஜிப்மர் நிர்வாகம் தற்போது இணைய தள வழியே முன்கூட்டியே பதிவு செய்யும் முறையை 02.10.2015 முதல் அறிமுகபடுத்தியுள்ளது. இதனால் நேரமும் காலமும் மிச்சம். இனி http://jipmer.edu.in என்ற இணைய தள முகவரிக்குச் செல்லுங்கள் .. சிகிச்சை பெற விரும்பும் தேதி மற்றும் துறையைத் தேர்த்தெடுங்கள் .. தங்கள் பதிவு உறுதி செய்யப்பட்டதை குறுஞ்செய்தி மூலம் கிடைக்கப் பெறுவீர்கள் .. வாழ்த்துக்கள் ஜிப்மர் நிர்வாகம் ..